Դատապարտյալ Խ.Պ.-ն 2011 թվականից իր պատիժը կրում է ՀՀ ԱՆ «Նուբարաշեն» ՔԿ հիմնարկում: Այդ ժամանակահատվածում նրա մոտ ի հայտ են եկել տարբեր ծանրության հիվանդություններ, այդ թվում՝ հոգեկան խանգարումներ։ Իրականացված մի շարք փորձաքննությունների եզրակացություններով արձանագրվել է, որ Խ. Պ.-ն պատիժ կրելու ընթացքում կատարած արարքների ժամանակ գտնվել է անմեղսունակ վիճակում։ Ըստ դատապարտյալի խոսքերի՝ «տեսիլքներ է տեսնում, աչքին երեւում են բացասական կերպարներ, սատանաները խոսում են իր հետ» եւ այլն։
2024 թվականի օգոստոս-սեպտեմբեր ամիսներին նկատելի էին նաեւ հոգեկան վիճակի սրացումները, սակայն կոնկրետ բուժօգնություն չի ստանում: Նա շուրջ երկու տարի է, ինչ պահվում է մենակ։ Այս տարիների ընթացքում դիմել ենք տարբեր պատկան մարմինների, որպեսզի քննարկվի Խ.Պ. նկատմամբ միջգերատեսչական հանձնաժողովի կողմից փորձաքննություն իրականացնելը՝ պարզելու պատժի հետ համատեղելիության աստիճանը, մինչդեռ բոլորը «կույր եւ խուլ» են։
Խ. Պ.-ի նկատմամբ նման վերաբերմունքը չի բխում ոչ միջազգային նորմերից, ոչ ներպետական օրենսդրության պահանջներից եւ նույնիսկ ավելորդ է խոսել մարդու իրավունքներից։ Հրավիրում ենք բոլոր մարմինների ուշադրությունը եւ պահանջում ենք, որ գործեն օրենքով։
Հարազատներ
Կարդացեք նաև
«Առավոտ» օրաթերթ
26.09.2024
