«Ամերիկայի ձայն». Միրզոյան-Բայրամով-Բլինքեն հանդիպումից հետո ԱՄՆ պետքարտուղարության խոսնակ Մեթյու Միլերը տարածեց ամերիկյան կողմի հաղորդագրությունը հանդիպման վերաբերյալ, որում, մասնավորապես, ասված է.
«Այսօր Նյու Յորքում ՄԱԿ-ի Գլխավոր ասամբլեայի Բարձր մակարդակի համաժողովի ընթացքում պետքարտուղար Էնթոնի Ջ. Բլինքենը եռակողմ հանդիպում է ունեցել Հայաստանի արտգործնախարար Արարատ Միրզոյանի և Ադրբեջանի արտգործնախարար Ջեյհուն Բայրամովի հետ։
Պետքարտուղար Բլինքենն իր գոհունակություն է հայտնել երկու արտգործնախարարներին այն առաջընթացի կապակցությամբ, որ Հայաստանը և Ադրբեջանը արձանագրել են կայուն և արժանապատիվ խաղաղության հաստատման ուղղությամբ և հորդորել շարունակել առաջընթացի գրանցումը երկու երկրների կողմից՝ հնարավորինս շուտ համաձայնագիրը վերջնական տեսքի բերելու համար:
Պետքարտուղարն ընդգծել է, որ խաղաղության համաձայնագիրը տարածաշրջանին կբերի ավելի մեծ կայունություն և բարգավաճում»,- ասված է Մեթյու Միլերի տարածած հաղորդագրության տեքստում:
Կարդացեք նաև
Հիշեցնենք, որ ամերիկյան նախաձեռնությամբ և ամերիկյան հարթակում վերջին հանդիպումը Հայաստանի ու Ադրբեջանի արտգործնախարարների միջև ԱՄՆ-ի պետքարտուղարի մասնակցությամբ տեղի էր ունեցել այս տարվա հուլիսին Վաշինգտոնում ՆԱՏՕ գագաթնաժողովի շրջանակում: Այդ ժամանակ «կողմերը նշել են խաղաղության և միջպետական հարաբերությունների հաստատման վերաբերյալ պատմական պայմանագրի կնքման ուղղությամբ Հայաստանի և Ադրբեջանի կողմից գրանցված առաջընթացը և համաձայնել են շարունակել աշխատանքները»:
