«Լարսի անցակետում բեռնատարների կուտակման խնդիր չկա, պարբերաբար այդպիսի հարցեր ստանում ենք, մինչեւ ստանում ենք հարցը, ուսումնասիրում ենք, շատ հաճախ խնդիրները լուծված են լինում»,- կառավարության այսօրվա նիստից հետո լրագրողներին ասաց էկոնոմիկայի նախարար Գեւորգ Պապոյանը՝ անդրադառնալով փոխադրողների՝ պարբերական բնույթ կրող դժգոհություններին։
Ըստ նրա՝ առեւտրաշրջանառությունը մեծանում է, հետեւաբար, եւ հայ-վրացական, եւ ռուս-վրացական սահմանին ենթակառուցվածքները պետք է ընդլայնվեն։
Հարցին, թե Հայաստանի կառավարությունը Լարսի անցակետին այլընտրանք ունի՞, Գեւորգ Պապոյանը պատասխանեց․ «Լարսին այլընտրանք, իհարկե, կա։ Նույն լաստանավն ինքը Լարսին այլընտրանքային տարբերակ է, բայց պետք չէ, ինչո՞ւ աշխատեցնենք, անիմաստ փող ծախսենք։ Եթե ուզենանք եւ կարիք լինի, նորից կգործարկենք»։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
