Կառավարությունն այսօրվա նիստում հաստատեց ՀՀ 2025 թվականի պետական բյուջեի նախագիծը։ Այն սահմանված կարգով կուղարկվի Ազգային ժողով։
Բյուջեն եկամուտների գծով նախատեսվում է 2 տրիլիոն 873 մլրդ դրամ, որից հարկային եկամուտները՝ 2 տրիլիոն 760 մլրդ դրամ։ Ծախսերը նախատեսված են 3 տրիլիոն 482 մլրդ դրամ։ Դեֆիցիտը՝ պակասորդը նախատեսվում է 609 մլրդ դրամ։
Ֆինանսների նախարար Վահե Հովհաննիսյանն ասաց, որ 2025 թվականի ՀՆԱ-ն կանխատեսվել է 11 տրիլիոն 50 մլրդ դրամ, տնտեսական աճը՝ 5․6 տոկոս, միջին գնաճը՝ 3․5 տոկոս։ Ըստ նախարարի՝ ստվերի դեմ պայքարի եւ հարկային վարչարարության բարելավման արդյունքում ակնկալվում է ապահովել հարկեր-ՀՆԱ հարաբերակցության բարելավում՝ 2024 թվականի հաստատված բյուջեի նկատմամբ 0․1, իսկ 2024 թվականի սպասողականի համեմատ՝ 0․7 տոկոսային կետով՝ հասնելով կառավարության ծրագրով սահմանված 25 տոկոս թիրախին։
Կապիտալ ծախսերի կշիռը ՀՆԱ-ում 2025-ին կհասնի 6․6 տոկոսի։
Կարդացեք նաև
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
