«Լուսավոր Հայաստան» կուսակցության փոխնախագահ Դավիթ Խաժակյանի ֆեյսբուքյան գրառումը
Գիտեմ շատերը չեն կիսի կարծիքս, բայց ինձ թվում է, որ եկեղեցին ճիշտ է վարվել Փաշինյանին և իշխանական վերնախավին Մայր Տաճարի վերաբացմանը հրավիրելով։
Այն, որ իշխանականները անխոհեմաբար եկեղեցու դեմ շարունակաբար պայքարում են, չի նշանակում, որ եկեղեցականները չպետք է ավելի խոհեմ գտնվեն ու փորձեն հարթել հարաբերությունները պետության ղեկավարների հետ։
Ընդ որում բացարձակ կապ չունի, թե ով է առաջնորդում պետությունը և ով՝ եկեղեցին։ Սիրված են նրանք մեծամասնության կողմից, թե ոչ։ Ազգային ամոթ պետք է լինի ի ցույց դնելը եկեղեցու ու պետության միջև հակադրությունները, որոնք բնական է, որ կան և կարող են լինել։
Կարդացեք նաև
Ես հասկանում եմ, որ շատերը կուզեին տեսնել, թե ինչպես է եկեղեցին անարգում իշխանություններին և բովանդակության մեջ դա արդարացված կլիներ, սակայն դրանով նրանք ավելի բարձր չէին գտնվի իշխանություններից, որի հակաեկեղեցական վարքագիծը պարսավելի պետք է լինի։
