Region Monitor. Թուրքիայի խորհրդարանի նախկին պատգամավոր, ընդդիմադիր ազգայնական «Լավ» կուսակցության անդամ Ահմեդ Էրոզանը X-ում գրել է․
«Էրդողանի կողմից մինչ այժմ Նյու Յորքում ՄԱԿ-ի Գլխավոր ասամբլեայի կապակցությամբ ունեցած երկկողմ հանդիպումներից, կարծում եմ, ամենակարևորը երեկ Հայաստանի վարչապետ Փաշինյանի հետ ունեցած հանդիպումն էր… Նույնիսկ եթե մենք մանրամասներ չունենք դրա բովանդակության վերաբերյալ, շատ կարևոր է, որ այն անցկացվել է…
Չնայած «մեկ ազգ, երկու պետություն» սկզբունքն էական է, սակայն ժամանակը եկել և անցնում է, որ Թուրքիան՝ որպես առանձին պետություն, Հայաստանի հետ հարաբերությունները տարանջատի մյուս պետությունների քաղաքականությունից և արագ կարգավորի իր հարաբերությունները Երևանի հետ… Կատարելիք քայլի առումով անհրաժեշտ է բաց չթողնել Թուրքիայի օգտին հանդիսացող պահը: Հատկապես, երբ Ալիևը նույնիսկ համարձակություն է գտել պաշտոնապես հերքել Էրդողանին Ղարաբաղի հարցում»:
