«Ես Հայ Առաքելական Սուրբ եկեղեցու հետեւորդ եմ եւ դա ինձ զսպում է: Ավելի լավ է՝ չխոսեմ»,-ասաց ՀՀ «Հայաստան» խմբակցության պատգամավոր Գառնիկ Դանիելյանը՝ «Հայելի» ակումբում՝ անդրադառնալով դիտարկմանը, որ հնարավոր է, որ Նիկոլ Փաշինյանը, Ալեն Սիմոնյանը եւ քպականները ներկա գտնվեն Մայր տաճարի վերաօծման արարողությանը:
«Ես չեմ պատկերացնում այդ մարդկանց Մայր տաճարում, չեմ պատկերացնում այն մարդկանց, որոնք ուղղորդում էին «նոր Հայաստան, նոր հայրապետ» խմբերը: Մինչեւ մի քանի ամիս առաջ ես եւ իմ ընկերները Մայր աթոռի կողքը կանգնած էինք, որ պահենք, չմտնեն եկեղեցին պղծեն: Իրենց ուղղորդած մարդիկ: Դա այնքան պարզ, այնքան ակնհայտ է եղել:
Իրենք են իրենց բերանով ասում. մենք սատանիստ ենք, մենք աթեիստ ենք, մենք աղանդավոր ենք, մենք հայատյաց ենք: Ասում են՝ կղերականները: Ինչ ասես, ասացին, աշխարհի որակումները տվեցին եկեղեցուն: Մեկն էլ կար, ասում էր՝ եկեղեցին մեր պետությանը, մեր պետականությանը, մեր ազգին սպառնալիք է: Դե, այդպես ասողներին կանչեք, թող գան եկեղեցի, կողուկուշտը ուսումնասիրեն, թե ոնց կարող են ավիրել: Ես ապշած եմ: Ո՞նց կարելի է նման մարդկանց հրավիրել՝ սուրբ տեղ մտնեն, Մայր տաճար մտնեն»,- ասաց դաշնակցական պատգամավորը:
Կարդացեք նաև
Աշոտ ՀԱԿՈԲՅԱՆ
