«Մեր շրջապատում շատ մարդիկ ունեն սիրտ-անոթային և օնկոլոգիական (քաղցկեղային) խնդիրներ ու սկսել են բողոքել։ Եվ այո, պնդում եմ, որ պատճառը կարող է լինել Արարատի ցեմենտի գործարանը», – Aravot.am-ի հետ զրույցում ասաց «Հանրային վերահսկողություն» իրավապաշտպան հասարակական կազմակերպության նախագահ Մհեր Կարագոզյանը։
Նա ընդգծեց, որ Արարատի մարզում գործող ցեմենտի գործարանների անհամաչափ արտանետումները կանխելու նպատակով ստեղծվել է «Թող շնչենք» նախաձեռնությունը։
Ըստ Մհեր Կարագոզյանի՝ Արարատի ցեմենտի գործարանը ոչ իրավաչափ է աշխատում, և լիցենզիայով ստանձնած պարտավորությունները չկատարելուց բացի՝ նաև առերևույթ կերպով ունենում է չափազանց մեծ արտանետումներ, որն ուղիղ ազդեցություն ունի մարդու առողջ ապրելու իրավունքի վրա: «Սա պետք է կանխարգելել, այսպես շնչել և ապրել անհնար է, քանի որ ունենում ենք աղետալի հետևանքներ»,-ասաց նա։
Լիլիթ ԱԲՐԱՀԱՄՅԱՆ
Կարդացեք նաև
Մհեր Կարագոզյանի լուսանկարը՝ ֆեյսբուքյան էջից
