ՀՀԿ խոսնակ Էդուարդ Շարմազանովի ֆեյսբուքյան գրառումը
Նիկոլի «ապագա կա»-ն կորսված հայրենիքը, գաղթն ու գերությունն են։
Նիկոլի «ապագա կա»-ի հետեւանքն Արցախի հանձնումն էր, արցախահայության գաղթն էր եւ Հայաստանի 240 քառ. կմ օկուպացիան։
Աշխարհը միջուկային հարվածներից հինգ է պակաս, տարածաշրջանը եռում է, իսկ Նիկոլը ՄԱԿ-ում գոռում է՝ «ապագա կա»։
Կարդացեք նաև
Մեկը չկա՞ր՝ ասեր՝ մենք քո բերած «ապագայից» գոհ ենք։
Կամ դու ո՞վ ես, որ ՄԱԿ-ի ամբիոնից նման հավակնոտ բաներ գոռաս։
Դու քո ժողովրդի անվտանգությունը չես կարող պաշտպանել, եկել ես այստեղ ի՞նչ ես խոսում։
Ո՞վ է քեզ բանի տեղ դնում, ո՞վ…
Արեւմո՞ւտքը, Իրա՞նը, Թուրքիա՞ն, թե՞ ՌԴ-ն։
Ոչ մեկը։
Ոչ մեկը լուրջ չի կարող ընդունել սեփական ժողովրդին ադրբեջանցիների հարձակումների ժամանակ միայնակ թողնողին։
Ոչ մեկը լուրջ չի ընկալի մեկին, որը ծպտուն չի հանում Բաքվի բանտերում հայտնված մեր գերիների մասին։
Եվ վերջում… Արցախի նախկին նախագահ էլ կար, որը մինչեւ վերջ միամտորեն հավատում էր Նիկոլի «ապագա կա»-ին, իսկ այսօր նույն Նիկոլի անգործության արդյունքում հայտնվել է Բաքվի բանտում։
Նիկոլի «ապագա կա»-ն կորսված հայրենիքն է, գաղթն ու գերությունն են։
