Ցանկացած պետության համար անկախությունը գոյության հիմնաքար է ու նախապայման, բայց նաև գործընթաց է, որ ունի միայն սկիզբ և երբեք չի ավարտվում հարափոփոխ, մարտահրավերներով լի, տուրբուլենտ աշխարհում: Հայաստանի Հանրապետությունն իր անկախությանը հասել է պատերազմների, ահաբեկչության ու դժվար պայքարի միջով, և անկախությունն այլևս անսակարկ արժեք է յուրաքանչյուր հայի համար, որ հասկանում է՝ ինչ է ՀԱՅՐԵՆԻՔԸ, ՊԵՏՈՒԹՅՈՒՆԸ, ԶԱՎԱԿՆԵՐԻ ԱՊԱԳԱՆ:
Շնորհավորում ենք բոլորիս և մաղթում, որ ԱՆԿԱԽՈՒԹՅԱՆ հետագա ճանապարհն անցնի հանուն ինքնիշխանության, ժողովրդավարության, ազգային անվտանգության, խաղաղության, բարեկեցության՝ պետականության ու ինքնության խորացման:
Աստված պահպանի Հայաստանի Հանրապետությունը ու հայերին:
ՀԱՆՐԱՊԵՏՈՒԹՅՈՒՆ ԿՈՒՍԱԿՑՈՒԹՅՈՒՆ
