«Տեսնում եք, չէ՞, մարդ իր ընկերոջը ոչ կարող է բարեւել, ոչ համբուրել, օդային համբույրն էլ Դոլմազյանն արգելել է, ասում է՝ ալտերնատիվ տարբերակներ գտեք»,- այսօր դատարանի բակում, ՀՀԿ փոխնախագահ Արմեն Աշոտյանի գործով դատական նիստից առաջ, իր վրդովմունքն ու տարակուսանքը հայտնեց «Անվտանգություն եւ ժողովրդավարություն» իրավապաշտպան հասարակական կազմակերպության նախագահ Նաիրա Զոհրաբյանը։
Հիշեցնենք, Արմեն Աշոտյանի խափանման միջոց՝ տնային կալանքը ենթադրում է շփումների էական սահմանափակումներ։ Իր գործով նիստից առաջ Արմեն Աշոտյանը դատարանի բակում էր, այնտեղ էին նաեւ նրա ընկերները, համակիրները, սակայն, շփումների խնդիր էր առաջանում։
Մանրամասները՝ տեսանյութում
Կարդացեք նաև
Հիշեցնենք, ՀՀ հակակոռուպցիոն դատարանի դատավոր Վահե Դոլմազյանը որոշեց այլընտրանքային խափանման միջոց կիրառել Արմեն Աշոտյանի նկատմամբ՝ տնային կալանք, 25 միլիոն դրամ գրավի համակցմամբ։ Արմեն Աշոտյանը կալանավորված էր 2023 թվականի հունիսի 16-ից։ Արմեն Աշոտյանը մեղադրվում է կրթության նախարար եղած ժամանակ փողերի լվացման եւ պաշտոնեական դիրքի չարաշահման մեջ։ Արմեն Աշոտյանը հայտարարել է, որ իր նկատմամբ կատարվողը քաղաքական հետապնդում է։
Նելլի ԳՐԻԳՈՐՅԱՆ
