«Զարմանալի է, որ մեր դաշնակիցները չեն արձագանքում, քանի որ սա ասվել է Հայաստանի տարածքում», – Սանկտ Պետերբուրգում ընթացող կանանց Եվրասիական IV համաժողովի շրջանակում՝ արտաքին քաղաքականության ընթացիկ հարցերի վերաբերյալ ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով Ֆրանսիայի ԱԳ նախարար Ստեֆան Սեժուղնեի հայտարարություններն, թե Մոսկվան փորձում է ճնշում գործադրել Երևանի վրա:
ՌԴ ԱԳՆ պաշտոնական ներկայացուցիչը Սեժուղնեի հայտարարությունը անհարգալից է որակել Հայաստանի նկատմամբ։
«Եթե ինչ-որ մեկը նման բան ասեր մեր ընկերների մասին, մենք հնարավորություն կգտնեինք նման գործիչներին հիշեցնել, որ մեր ընդհանուր պատմությունը թույլ չի տալիս այդ երկրի նկատմամբ նման նվաստացուցիչ վերաբերմունք երրորդ անձանց կողմից», – ասել է Մարիա Զախարովան՝ նշելով, որ նման վերաբերմունքը նաև Հայաստանի հանդեպ է անհարգալից:
