«Բոլոր նրանք, ովքեր COP29-ի շրջանակներում այցելելու են Բաքու, իրենց բարոյական պարտքը պետք է համարեն՝ կոչ անելու ապահովել հայերի վերադարձը Լեռնային Ղարաբաղ և ազատ արձակել պատանդներին: Մեր պայքարը մոլորակի համար չի կարող լինել այնտեղ ապրողների հաշվին»,- Եվրախորհրդարանի լիագումար նիստում իր ելույթում ասել է Եվրախորհրդարանի արտաքին հարաբերությունների հանձնաժողովի և անվտանգության ու պաշտպանության ենթահանձնաժողովի անդամ Նատալի Լուազոն:
«Մեկ տարի առաջ այս օրը Ադրբեջանը ռազմական հարձակում է իրականացրել Լեռնային Ղարաբաղի նկատմամբ և բռնի տեղահանել ավելի քան 100 000 անձանց՝ այս կերպ պատմության մեջ թողնելով 21-րդ դարի առաջին էթնիկ զտման հետքը։ Եվ մեկ տարի անց ոչ մեկ դեռևս հնարավորություն չունի վերադառնալու իր տուն։
Ադրբեջանը շարունակում է պատանդ պահել նախորդ հակամարտության գերիներին. նրանք ևս տուն վերադառնալու հնարավորություն չունեն։
Լեռնային Ղարաբաղի հոգևոր և մշակութային ժառանգությունը ոչնչացման սպառնալիքի տակ է. բազում հուշակոթողներ արդեն իսկ ոչնչացվել են»,- նշել է պատգամավորը:
