«Արցախը հանձնել է Նիկոլ Փաշինյանը, երբ ապրիլին, ԱԺ ամբիոնից հայտարարեց, որ պետք է նշաձողն իջեցնի եւ դրանից հետո, Պրագայում, փաստորեն, հայտարարեց՝ Արցախն Ադրբեջան է եւ վերջ․ ի՞նչ կապ ունեն մնացածները»,-այսօր, Սուրբ Խաչ եկեղեցու բակում, լրագրողների հետ զրույցում ասաց Արցախի խորհրդարանի «Արդարություն» խմբակցության պատգամավոր Մետաքսե Հակոբյանը։
Մանրամասները՝ տեսանյութում.
Առավոտյան Եռաբլուր պանթեոնում Մետաքսե Հակոբյանը խոսել էր նաեւ Բաքվում պատանդառված Արցախի ռազմաքաղաքական ղեկավարների մասին՝ հայտարարելով, որ Ադրբեջանում պահվող գերիների վերադարձի հարցը ՀՀ իշխանությունների օրակարգում չկա. «Հայաստանի ղեկավարությունը գերիներին վերադարձնելու ոչ միայն որևէ քայլ չի անում, այլև անում է հակառակը, որպեսզի գերիները երբևէ, գոնե մինչ այն պահը, քանի դեռ իրենք են իշխանության, որևէ հնարավորություն չունենան վերադառնալու»։
Կարդացեք նաև
Նա ասել էր նաեւ, որ իրենք գիտակցում են՝ առանց ՀՀ իշխանությունների քայլերի չեն կարող արդյունք ունենալ, թեև այսօր տարբեր կառույցներ կան, որոնք տարբեր հարթակներում բարձրացում են գերիների վերադարձի հարցը։
Սուրբ Խաչ եկեղեցում այսօր պատարագ կմատուցվի՝ Արցախի հայաթափման եւ հանուն հայրենիքի նահատակվածների հիշատակի համար։
Մանրամասները՝ տեսանյութում.
Նելլի ԳՐԻԳՈՐՅԱՆ
