«Սեպտեմբերի 19-ը մեր պատմության ամոթի եւ խայտառակության օրերից մեկն է, այն առաջին հերթին խարան է՝ դրոշմված ՀՀ իշխանությունների ճակատին»,- այսօր Եռաբլուր զինվորական պանթեոնում, լրագրողների հետ զրույցում ասաց «Սրբազան շարժման» առաջնորդ Բագրատ սրբազանը։ Նա այցելել էր Եռաբլուր՝ Ադրբեջանի կողմից Արցախի բռնազավթման եւ Արցախի ժողովրդի բռնի տեղահանության տարելիցի առիթով։
Այս իրողությունը սրբազանը կարծում է, որ խարան է նաեւ միջազգային հանրության ճակատին, որը լուռ անտարբերություն դրսեւորեց։
Միաժամանակ, իր համոզմամբ, հենց ՀՀ իշխանությունների հանցավոր անտարբերությունն ու անգործությունը հասցրեցին այս վիճակին․ «Երբ ուղղակի իրենց աչքերի առջեւ մի քանի կիլոմետր հեռավորության վրա, մեր ժողովուրդը ստիպված եղավ հերթական ցեղասպանությանն առերեսվել, բնազրկվելու եւ գաղթի ճանապարհը բռնել։ Այս բոլորը խարան են առաջին հերթին այս իշխանությունների ճակատին և այդպես էլ մնալու է»։
Կարդացեք նաև
«Շատ արցախցիներ անցնելով ցավի և կորովի այս ճանապարհը, մեզ հետ փայփայում են տուն վերադառնալու հույսը և կամքը, մենք այլընտրանք չունենք, քան հաղթանակը։ Հեռու չի լինելու այն օրը, որ մենք ազգովի դարձյալ կտոնախմբենք մեր ազատագրությունը և մեր հաղթանակները՝ վկան Եռաբլուրի եւ լքված մեր հերոսների շիրիմներն են», ասաց սրբազանը։
Մանրամասները՝ տեսանյութում
Նելլի ԳՐԻԳՈՐՅԱՆ
Լուսանկարները՝ «Սրբազան պայքարի»
