«Եթե Հայաստանի օրվա իշխանությունները չեն խոսում Արցախի վերադարձի մասին, ապա դա վառ ապացույց է, որ Արցախը չի բռնազավթվել, այլ օրվա իշխանությունների կողմից ուղղակի նվիրվել է թշնամուն»,- Եռաբլուր զինվորական պանթեոնում լրագրողների հետ զրույցում, ասաց Արցախի հանրապետության խորհրդարանի պատգամավոր Դավիթ Գալստյանը։
Ադրբեջանի կողմից Արցախի բռնազավթման եւ Արցախի ժողովրդի բռնի տեղահանության տարելիցի կապակցությամբ այսօր Արցախի հանրապետության գործադիր, օրենսդիր իշխանության ներկայացուցիչները «Եռաբլուր» զինվորական պանթեոնում էին։ Նրանք ծաղիկներ խոնարհեցին՝ հարգանքի տուրք մատուցելով Արցախի համար նահատակված բոլոր հայրենակիցների համար։
Հարցին՝ Հայաստանի իշխանության ներկայացուցիչները չեն ճանաչում Արցախի ղեկավարությանը, նույնիսկ հնարավոր է քննարկվի՝ արդյոք Երևանում պետք է ունենալ Արցախի ներկայացուցչություն, Դավիթ Գալստյանն արձագանքեց. «Իսկ ե՞րբ են ճանաչել Արցախի Հանրապետությունը։ Այսօր ՀՀ իշխանությունը մոլորեցնում է հանրությանը, որպեսզի կարողանան հերթական ոտնձգությունները կատարել Արցախի ներկայացուցչության, արցախցիների նկատմամբ։ Բոլորս գիտակցում ենք՝ եթե Հայաստանի հանրապետությունը չճանաչեր Արցախն Ադրբեջանի մաս, ապա մենք չէինք լինի այս իրավիճակում»։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
Լուսանկարը՝ «Ապառաժի»
