Մոսկվան համաձայն չէ ՀԱՊԿ-ի վերաբերյալ ՀՀ վարչապետ Նիկոլ Փաշինյանի գնահատականի հետ: «ՀԱՊԿ-ը վտանգ չի ներկայացնում Հայաստանի համար», – ՏԱՍՍ-ի հարցին ի պատասխան՝ լրագրողներին ասել է ՌԴ նախագահի մամուլի քարտուղար Դմիտրի Պեսկովը։
«Խոսքը Հայաստանի ինքնիշխան իրավունքների ոլորտին վերաբերող հարցերի մասին է. Հայաստանն ինքն է ընտրում զարգացման ռազմավարական, մարտավարական ուղիները, բայց միևնույն ժամանակ, իհարկե, կտրականապես համաձայն չենք Փաշինյանի հետ», – ասել է Պեսկովը։
«ՀԱՊԿ-ից Հայաստանի ինքնիշխանության համար վտանգ չկա և չի կարող լինել: Ընդհակառակը, այս կազմակերպությունը պաշտպանում է իր անդամ երկրների ինքնիշխանությունը», – ընդգծել է Պեսկովը։
