«Մեզ հիմա պետք է պաշտպանել մեր պետությունը, մեր պատմություն ու մշակույթը, մեր լեզուն, մեր ինքնությունը, մեր արժանապատվությունը։ Դա հնարավոր է։ Հաղթում են ոչ թե բանակներն ու զենքերը, հաղթում են դաշինքները։ Եվ մենք ընդամենն առաջարկում ենք ձեզ՝ մեզ հետ միասին ընտրել մեր պետության համար միակ ճիշտ դաշինքը։ Մենք շատ ծանր փորձով, մեր արյունով ու արցունքներով ենք փորձել ուրիշ տարբերակներ միասին, եւ այս մեր փորձը մեծ փորձանքների արդյունք է»,- այս մասին այսօր ԵՄ-ին անդամակցելու հանրաքվեի հարցով ստորագրահավաքի մեկնարկի ժողովրդավարական ուժերի հարթակի հավաքի ժամանակ ասաց Հայաստանի Եվրոպական կուսակցության նախագահ Տիգրան Խզմալյանը։
Նա հավելեց․ «Մենք պետք է մատի շարժում անենք, մի ստորագրություն դնենք 50 հազար անգամ։ Եթե անհրաժեշտ լինի, 350 հազար կանենք, միլիոն կանենք, սա է քաղաքակիրթ եվրոպական արժանապատիվ ձեւը՝ քաղաքական ձեւով պատասխանել այս մարտահրավերներին, ոչ թե գնալ սադրանքների, բախումների, քաղաքացիական պատերազմի, նրան, ինչին դրդում են մեզ մեր ոսոխները։ Մենք առաջարկում ենք շատ հանգիստ, հստակ ու քաղաքակիրթ ձեւ։ Մեզնով հպարտանալու են այս աշխարհում բոլորը։»։
«Մեկ շաբաթ անց ամենայն հավանականությամբ այստեղ կլինի Հայաստանի պատմական բարեկամ Ֆրանսիայի նախագահը։ Եվ դա լավագույն ապացույցն է, որ մեր շարժումը, մեր առաջարկը ճիշտ է։ Ուստի, մենք մտնում ենք աշխատանքային մի շրջան, որի արդյունքում Հայաստանը դառնալու է ազատ, անկախ, արժանապատիվ երկիր, եվրոպական ազատ ընտանիքի անդամ»,- հավելեց Խզմալյանը։
Կարդացեք նաև
Ռոզա ՀՈՎՀԱՆՆԻՍՅԱՆ
