«Ընդդեմ իրավական կամայականության» հասարակական կազմակերպության նախագահ Լարիսա Ալավերդյանն արձագանքելով լրագրողի դիտարկմանը՝ Ադրբեջանի նախագահ Իլհամ Ալիեւն ասում է, թե հայերը տարածքային պահանջներ ունեն Ադրբեջանից եւ հարցին՝ արդյոք նման հայտարարությունները հիմք չե՞ն տալիս Ադրբեջանի նախագահի այդպիսի կարծիք ձեւավորելու համար՝ ասաց․ «Այն պետությունը, որը ստեղծվել եւ կառավարվում է Թուրքիայի կողմից, իրականացնում է իր հարյուրամյա ծրագիրը՝ Հարավային Կովկասից հայերին դուրս մղելու, իրավունք չունի նման ձեւով խոսել։ Ալիեւի հայտարարությունները արժանահավատ չեն, դա իրենց ցեղասպանական ծրագիրն է։ Միջազգային կենտրոնները ահազանգում են, որ Ադրբեջանում հայատյացության մակարդակը բարձրանում է»։
«Միասին» հասարակական-քաղաքական նախաձեռնությունն այսօր պահանջագիր փոխանցեց կառավարությանը՝ Ադրբեջանից բռնի տեղահանված հայերի իրավունքների պաշտպանությունն ապահովելու մասին։ Պահանջագիրն ուղղված է նաեւ ԵԱՀԿ Մինսկի խմբի համանախագահող երկրներին, ՀՀ-ում հավատարմագրված միջազգային կառույցներին։
Լարիսա Ալավերդյանը պարզաբանեց՝ խոսքը հենց հիմա վերադարձին չի վերաբերում, այլ այն ժամանակ, երբ Ադրբեջանը կապահովի իրենց նախկին բնակության վայրերում հայերի ապահով վերաբնակեցումը եւ սեփականության իրավունքը։ Լարիսա Ալավերդյանը նաեւ նկատում է՝ Ալիեւը, երբ խոսում է վերադարձի մասին, նա հակադրում է բռնի եւ լկտի ձեւով տեղահանված արցախահայերին ադրբեջանցիների հետ, ովքեր սովետական շրջանում դուրս են եկել Հայաստանից՝ վաճառելով կամ փոխանակելով իրենց ունեցվածքը։
«Սիսիանի հայերը փեշերից բռնած՝ թույլ չէին տալիս, որ ադրբեջանցիները լքեն։ Նրանք ցույց էին տալիս Ադրբեջանը եւ ասում՝ մեզ ասել են»,- 1990-ականներից մի դրվագ հիշեց տիկին Ալավերդյանը՝ հավելելով, որ դա կազմակերպված գործընթաց էր, որպեսզի հիմա օգտագործեն։
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
Ո՞վ է առանց շահի բանի տեղ դնում այդ ‘փեշը բռնել…’ պատմությանը: Նույն սիսիանցին գալիս էր Երևան իր բարեկամի տանը, խոհանոցում պատմում թե ինչ լկտի են ադրբեջանցիները ու իրենցից պրծում չկա:
Գյուղացին ունի իր ուրույն ‘ճշմարտությունը’:
Տիկին Ալավերդյան, Ձեր ասածը հակարակորդը կօգտագործի իր ուզածի պես, իսկ մեր կողմը չի էլ կարողանա ձևակերպել դիվանագիտական լեզվով:
Բայց Դուք հո նոր չեք քաղաքականության մեջ: Սխալ ու մեզ համար ԱՆՊՏՈՒՂ հայտարարություն էր: