«Ոչ հավաստի թիվ է ներկայացվել միշտ՝ 600-700 հազար, հավանաբար, նկատի առնելով միայն Հայաստան տեղափոխվածների թիվը։ Բայց շատերը այլ ճանապարհներով հեռացել եւ հաստատվել են տարբեր երկրներում»,- այսօր կառավարության շենքի մոտ լրագրողների հետ զրույցում ասաց ՀԴԿ խորհրդի անդամ Ժասմինա Ղեւոնդյանը։
«Միասին» հասարակական-քաղաքական նախաձեռնությունն այսօր պահանջագիր փոխանցեց կառավարությանը՝ Ադրբեջանից բռնի տեղահանված հայերի իրավունքների պաշտպանությունն ապահովելու մասին։ Պահանջագիրն ուղղված է նաեւ ԵԱՀԿ Մինսկի խմբի համանախագահող երկրներին, ՀՀ-ում հավատարմագրված միջազգային կառույցներին։
Ժասմինա Ղեւոնդյանը «կեղծ եւ շինծու» է որակում Ադրբեջանի նախագահի կողմից ներկայացվող պահանջը՝ 300 հազար ադրբեջանցիների՝ Հայաստանում բնակության իրավունքի մասին եւ հավելում, որ մինչ Հայաստանում բնակված ադրբեջանցիների վերադարձի մասին խոսելը, Ալիեւը պարտավոր է ապահովել 1 միլիոն 200 հազար հայերի ապահով վերադարձը եւ բնակությունը մեր բնօրրանում։
Արձագանքելով լրագրողի դիտարկմանը՝ ըստ ՀՀ կառավարության, անգամ Արցախի եւ արցախցիների վերադարձն է վնասում ՀՀ-ի շահերին, Ժասմինա Ղեւոնդյանը հակընդդեմ հարց հնչեցրեց․ «Ի՞նչ եք առաջարկում, գլուխներս կախ ասենք՝ իշխանությունն ինչ անում է, ճի՞շտ է»։
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
