ԱԺ այսօրվա նիստում կառավարության կողմից ներկայացված «Մաքսային կարգավորման մասին օրենքում փոփոխություններ եւ լրացումներ կատարելու մասին» օրենքի նախագիծը առաջին ընթերցմամբ ընդունելու մասին» քննարկման ժամանակ ՔՊ-ական պատգամավոր Սերգեյ Բագրատյանը հիմնական զեկուցողին հարց տալու համար մի փոքր ուշ սեղմեց հերթագրման կոճակը, բայց տեղավորվեց սահմանված ժամանակում:
ԱԺ խոսնակ Ալեն Սիմոնյանը նեղսրտեց, որ պատգամավորը շուտ չի սեղմել կոճակը, ինչին նրա թիմակից պատգամավորը հակադարձեց. «Ես այս հարցը չէի տա, բայց հատուկ տվել եմ, որովհետեւ տեսնում եմ՝ դուք շտապում եք, որ շուտ քվեարկենք:
Մենք այստեղ եկել ենք, որ աշխատենք: Ժողովուրդ ջան, լիքը լուրջ հարցեր կան: Դուք ուզում եք ո՞ւր էթաք՝ կոխըցրած շուտ-շուտ քվեարկենք, հարց մի տվեք, սուս, ձեն չհանեք: Չի կարելի ժողովուրդ ջան: Մենք աշխատավարձ ենք ստանում եւ բարձր աշխատավարձ ենք ստանում: Եվ պետք է մեր հարցերով պարզաբանենք այս օրենքները: Հիմա մենք օրենք ենք ընդունում: Առավոտյան հարցրեք. եթե մի քաղաքացի իմանա՝ ինչի մասին է, ես ականջներս կկտրեմ: Բա ինչի՞ ենք եկել: Եկել ենք պարզաբանենք, մարդիկ իմանան՝ ինչ ենք քննարկում, ինչի ենք հավաքվել:
Եթե շտապում ենք, ժողովուրդ ջան, եկեք սենց պայմանավորվենք: Նախագիծը բերեք, ոչ էլ զեկուցեք, քվեարկենք, գնա: Պրոբլեմ կա, շատ պրոբլեմներ ունենք մեր տնտեսության մեջ: Եկեք աշխատենք: Ով շտապում է, թող գնա՝ մենք մնանք աշխատենք»:
Կարդացեք նաև
Աշոտ ՀԱԿՈԲՅԱՆ
