ՀՀ էկոնոմիկայի նախարար Գևորգ Պապոյանը սեպտեմբերի 11-ին մասնակցել է ՀՀ արտաքին գործերի նախարարության և «Էնթերփրայզ Արմենիա»-ի կողմից համատեղ կազմակերպված «Երևանյան երկխոսություն» նախարարական մակարդակի միջազգային համաժողովին:
Միջոցառմանը մասնակցում էին 80-ից ավելի պետությունների պաշտոնական, փորձագիտական, ակադեմիական, գործարար շրջանակների ներկայացուցիչներ, միջազգային կազմակերպությունների ղեկավարներ, հանրաճանաչ անձինք, հանրային կարծիք ձևավորողներ, վերլուծաբաններ:
Համաժողովի նպատակն է բացահայտել նոր բիզնես հնարավորությունները և խթանել հայկական ձեռնարկությունների և համաշխարհային ընկերությունների միջև համագործակցությունը՝ ստեղծելով երկխոսության հարթակ ԵՄ-ի, ԱՄՆ-ի, Պարսից ծոցի երկրների, Կենտրոնական Ասիայի և ԵԱՏՄ անդամ երկրների շահագրգիռ կողմերի համար: Այս միջոցառումը միտված է նաև դիրքավորելու Հայաստանը որպես տարածաշրջանում լոգիստիկ նախագծերի առանցքային դարպաս:
Կարդացեք նաև
ՀՀ էկոնոմիկայի նախարարություն
