Զրուցել ենք Դատավորների միության նախագահ, նախկին դատավոր Ալեքսանդր Ազարյանի հետ: Հիշեցնենք, որ Ազարյանի լիազորությունները՝ որպես դատավորի, տարիներ առաջ դադարեցվեցին։ Հիմքը նրա դիմումն էր, սակայն հայտնի է, որ այն ժամանակ նրա նկատմամբ մեծ ճնշումներ են գործադրվել, մանավանդ այն բանից հետո, երբ ազատեց Ռոբերտ Քոչարյանին կալանքից։
– Քաղաքական գործեր քննած, քննադատական մոտեցմամբ հանդես եկող դատավորներից կարգապահականներով ազատվում են։ Օրինակ՝ Աննա Դանիբեկյանը, Դավիթ Հարությունյանը։
– Ցանկացած առիթ իրենք կարող են օգտագործել՝ վարույթ հարուցելու համար, իսկ որ մեկ հոգի է կարգավորում այդ ամբողջ գործընթացը, կամ ընդհանուր համագործակցելով են կարգավորում այդ հարցը, դա միանշանակ է։ Կոնկրետ ում, ինչի համար՝ դա երկրորդական է։ Ի դեպ, մենք հայտարարություն արել ենք, որ նույն խախտման համար մի դատավորի նկատմամբ ընդհանրապես վարույթ չի հարուցվել, իսկ մյուսի լիազորությունները դադարեցվում են։ Կա՛մ մարդը պիտի անասուն լինի, կա՛մ միտումնավոր այդքանն անի, թող իրենք ընտրեն։ Ասեք` Ազարյանն ընտրություն է բերում՝ կա՛մ դուք անասուն եք, կա՛մ միտումնավոր եք անում, այդքան բան։ Դուք հիշատակեցիք Դավիթ Հարությունյանին, ինչի՞ համար նրա լիազորությունները դադարեցրին։
– Նա քննադատում էր ԲԴԽ-ին, սուր էր խոսում, դա էր պատճառը։
Կարդացեք նաև
– Պարոն Հարությունյանը միշտ էլ սուր կխոսեր, միշտ էլ սուր կգործեր, սակայն, եթե պարոն Հարությունյանը ոչ մի ձայն էլ չհաներ, միեւնույն է՝ նրա լիազորությունները դադարեցվելու էին, որովհետեւ քաղաքական կամքը գործող իշխանության՝ դա էր։ Ես չեմ ուզում ասել՝ հետագայում ով է այդ ցուցակում, հուսամ՝ այդ ժամանակը չի գա, իրենք չեն հասցնի անել։
Աննա ՊԱՊԻԿՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում:
