«Այսպիսին է իրականությունը. սուտ, կեղծիք, հանցավոր գործունեություն կամ անգործություն, որը նոր ական է լինելու մեր պետականության համար»,-խորհրդարանական հայտարարությունների ժամին ասաց ԱԺ «Պատիվ ունեմ» խմբակցության անդամ Տիգրան Աբրահամյանը՝ հիշեցնելով, որ եթե ժամանակին, այսպես կոչված, խաղաղության պայմանագիրը ներառում էր Հայաստան-Ադրբեջան հարաբերությունների ողջ ոլորտը, ապա ժամանակի ընթացքում դրա կնճռոտ դրույթները դուրս բերվեցին փաստաթղթից և առանձին քննարկումների դաշտ տեղափոխվեցին:
«Ի սկզբանե այդ պայմանագրի առանցքային դրույթներն էին՝ Արցախի հարց, տարածաշրջանային կոմունիկացիաների ապաշրջափակում և սահմանային ճշգրտումներ: Արցախի հարցն իշխանությունը հետևողականորեն փորձում է հուղարկավորել՝ այն հանձնելով և թեման միջազգային ու ներհայաստանյան օրակարգից հանելով: Ի հեճուկս գործող կառավարիչների ինքնապաշտպանական հակադարձումներին, փաստական առումով ակնհայտ է, թե ով և ինչ է արել ընդդեմ Արցախի ու այնտեղ ապրող մեր հայրենակիցների: Ու այս առումով բանավեճ չի էլ կարող լինել»,- ասաց նա:
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
