Թուրքիայի Ժողովրդահանրապետական կուսակցության փոխնախագահ, պրոֆեսոր Իլհան Ազգոլը Mehr-ի թուրքական (Ստամբուլ) բաժնին տված բացառիկ հարցազրույցում ընդգծել է, որ Անկարայի քաղաքականությունը Սիրիայի նկատմամբ սխալ էր և կարծում է, որ «Զանգեզուրի միջանցքի» բացման հավանականությունը գնալով նվազում է։
«Մենք նաև ցանկանում ենք ճանապարհային կապ հաստատել Թուրքիայի և Կենտրոնական Ասիայի հանրապետությունների միջև։ Կարևոր է, թե որտեղից է ուղիղ ճանապարհային կապը: Փաստորեն, մենք նախընտրում ենք, որ այս ճանապարհն անցնի Ադրբեջանի Հանրապետությունով։
Թուրքիայի և Ադրբեջանի Հանրապետության միջև կան հատուկ հարաբերություններ։ Այդ իսկ պատճառով, Թուրքիայի՝ Կենտրոնական Ասիայի երկրներին միանալու հարցում մեր առաջնահերթությունը Ադրբեջանն է։ Ուստի ստեղծված իրավիճակում միջանցքի հարցը դեռ շատ բարդ է։ «Զանգեզուրի միջանցքի» իրականացման հնարավորությունը նվազում է. Չնայած Ռուսաստանը պատրաստ է փոխգործակցել այս միջանցքի հարցում, Իրանը այդ հարցում դրական վերաբերմունք չունի։
Ինչևէ, կարծում ենք, որ Թուրքիան Կենտրոնական Ասիայի հետ կապող գիծն ավելի շահեկան կլիներ, եթե այն անցներ Ադրբեջանի Հանրապետությունով։ Բայց դա չի նշանակում, որ Իրանի հետ հարաբերությունները լավ չեն։ Սա կապված է շահերի բախման հետ»:
Կարդացեք նաև
Թարգմանեց Սահակ ՇԱՀՄՈՒՐԱԴՅԱՆԸ
