Քաղաքագետ Ստեփան Դանիելյանի ֆեյսբուքյան գրառումը
ՀՀ վարչապետի պաշտոնակատարը հայտարարել է, որ դեռեւս չի որոշել, թե մասնակցելու է Բաքվում կայանալիք COP29-ի նիստին, թե՞ ոչ, չնայած նրան, որ Ադրբեջանից հրավեր է ստացել։
Մի շարք իրավապաշտպաններ, այդ թվում ԵՄ պատգամավորներ, անընդունելի են համարում այդ միջոցառմանը մասնակցելը, համարելով, որ էթնիկ զտումներ իրականացրած, եւ հայ գերիներ ու պատանդներ պահող երկրում նման միջոցառմանը մասնակցելը լեգիտիմացնում է Ադրբեջանի գործողությունները։
Հայաստանի փաստացի ղեկավարի մասնակցությունն այդ միջոցառմանը կլեգիտիմացնի այդ երկրի էթնիկ զտումներ իրականացնելու իրավունքը եւ պատանդ հայերի դատավարությունը։ Անգամ դրան մասնակցելը հնարավոր համարելն է լեգիտիմացնում Ադրբեջանի քաղաքականությունը։
Կարդացեք նաև
Վերը նշված նկատառումներից ելնելով, կարելի է ենթադրել, որ այդ անձն, այնուամենայնիվ, կմասնակցի այդ միջոցառմանն, ինչն իր վարած քաղաքականության տրամաբանության մեջ է գտնվում։
