«Ես չեմ պատրաստվում անձնական դեպքը ներկայացնել, ձեզ համար իրավիճակն ընդհանուր գծերով պարզ է, որ սա կոնկրետ քաղաքական խտրական վերաբերմունք է այն մասնագետների, դասախոսների նկատմամբ, որոնք համարձակություն են ունեցել իշխանական քարոզչական տեսակետներից անդին այլ մոտեցումներ ունենալ»,- ԵՊՀ-ից քաղաքական հայացքների համար հեռացված դասախոսների ասուլիսի ժամանակ ասաց ԵՊՀ Միջազգային հարաբերությունների ֆակուլտետի պրոֆեսոր Խաչիկ Գալստյանը:
«Մեր փորձերին՝ ամբիոնային, համալսարանի ղեկավարության մակարդակում ստանալ որեւէ ռացիոնալ բացատրություն, հիմնավորում, թե ինչով է պայմանավորված որոշ գործընկերների աշխատանքից ազատման փաստը, իմ դեպքում՝ ոչ լրիվ ծանրաբեռնվածության հանգամանքը, ոչ մի ռացիոնալ բացատրություն եւ հոդաբաշխ խոսք չենք ստացել, հետեւաբար մնում է ենթադրել, որ սա կոնկրետ քաղաքական, խտրական հետապնդում է…
Ընդ որում, մեր գործընկերների պայքարը ոչ թե անձնական է, այլ նրա համար, որ ԵՊՀ-ն ինչպես նախկինում, այնպես էլ ներկայում եւ ապագայում միշտ մնա որպես հայրենասիրության դպրոց… Ամոթ ու պարսավանք այն ամբիոնի վարիչներին ու դեկաններին, որոնք կուլ են գնում այս ճնշումներին կամ էլ սիրահոժար, երեւի թե ծառայամտորեն փորձում են արջի ծառայություն մատուցել»,-ասաց նա՝ ընդդիմադիր դասախոսներից ազատված ամբիոնի վարիչների ու դեկանների մասին:
Կարդացեք նաև
Գոհար ՀԱԿՈԲՅԱՆ
