«Թուրքիան այսօր» լրատվական ալիք – Թուրքիայի ԱԳՆ Հաքան Ֆիդան. «Շատ արդյունավետ այցելություն ենք կատարել մեր նախնիների ժառանգություն հանդիսացող Կոսովո։
Կրկին հիշեցինք ու հիշեցրինք այն մասին, որ կոսովացիները ոչ միայն մեր ընկերներն են, այլև մեր եղբայրները։
Կոսովոյի անկախ և ինքնիշխան Հանրապետությունը, անշուշտ, կհասնի այն դիրքին, որին արժանի է միջազգային ասպարեզում։ Այս հարցում մեր աջակցությունը լիարժեք է։ Պրիշտինայում մեր պաշտոնական շփումներից հետո մենք հանդիպեցինք Պրիզրենում և Մամուշայում գտնվող մեր հայրենակիցների հետ։ Հին ընկերների հետ հիշում էինք անցյալը, իսկ նոր սերնդի լույսը մեզ հույս էր տալիս: Ես ուրախությամբ արձանագրեցի այն տարածաշրջանի սրընթաց զարգացումը, որին վերջին քսան տարիներին ականատես եմ եղել մոտիկից։ Որպես Թուրքիա՝ մենք կշարունակենք ամեն ինչ անել այս հինավուրց հողերի բարգավաճման և կայունության համար: Մեր համագործակցությունն օր օրի ավելի է ամրապնդվելու։ Բալկանները կզարգանան բալկանյան ժողովրդի քրտինքով»։
▪️Կոսովոն մասամբ ճանաչված պետություն է Բալկանյան թերակղզում, բնակչության մեծամասնությունը ալբանացիներն են, գերիշխող կրոնը իսլամն է։ Թուրքիան 2008 թվականին ճանաչել է Կոսովոյի անկախությունը։
▪️Զուգահեռներ- Արցախ, որտեղ հայ ժողովուրդը իր բնօրրանում հռչակել էր անկախություն և պայքարում էր իր արդարացի իրավունքների ճանաչման համար և Կոսովո, որտեղ թուրքական նվաճումներից, բնիկ սերբերի մեծ մասի հեռանալուց և ալբանացիների վերաբնակեցումից հետո ստեղծվում է պետություն, որը մասամբ է չճանաչված։ Եվ այս ամենի համտեքստում Թուրքիան, որն առաջին դեպքում Ադրբեջանի հետ համագործակցելով արեց ամեն ինչ տապալելու համար կայացած պետությունը, իսկ երկրորդ դեպքում ինքնիշխանության ջատագովի դիմակով հայտարարում է, որ աջակցում է մասամբ ճանաչված երկրին միջազգային ասպարեզում իրեն արժանի դիրքը զբաղեցնելու հարցում։
Կարդացեք նաև
▪️Հետևություններ-ներկայիս աշխարհում հաճախ հաղթում են ոչ թե նրանք, ովքեր արդար են և ճիշտ, այլ նրանք, ովքեր, օգտագործելով ամենատարբեր ուղիներն ու գործիքակազմը, համառորեն կարողանում են առաջ մղել իրենց սուտը և այն դարձնել ճշմարտություն։ Իսկ ինչպես բազմիցս համոզվել ենք, թուրքական քարոզչությունը այս հարցում մեծ և հաջող փորձ ունի։
