«Եթե մենք վերջնականապես Հյուսիսային Կորեա չենք, և այս ռեժիմը չի որոշել Արմեն Աշոտյանին սպանել ուղղակի ֆիզիկական իմաստով, նա ընդհանրապես չպիտի լիներ կալանքի տակ»,-ՀՀԿ փոխնախագահ Արմեն Աշոտյանի գործով դատական նիստից առաջ Հակակոռուպցիոն դատարանի բակում լրագրողների հետ ճեպազրույցում հայտարարեց «Անվտանգություն եւ ժողովրդավարություն» իրավապաշտպան հասարակական կազմակերպության նախագահ Նաիրա Զոհրաբյանը։
Լրագրողների հիշեցմանը՝ սեպտեմբերի 15-ին հնարավոր է Արմեն Աշոտյանի խափանման միջոցի հարց քննարկվի, Նաիրա Զոհրաբյանն այսպես արձագանքեց․ «Ակնկալում եմ, որ րոպե առաջ Արմեն Աշոտյանի՝ ոչ միայն խափանման միջոցը պետք է փոխվի, այլ այս խայտառակ քաղաքական հետապնդումը դադարեցվի և դրա բոլոր կազմակերպիչները, հրահանգավորողները, կատարողները, ում ձեռքով մեկ տարի երեք ամիս Արմեն Աշոտյանը ենթարկվել է խոշտանգումերի, պետք է ենթարկվեն քրեական պատասխանատվության»։
Դիմելով Արմեն Աշոտյանի գործով դատախազներին՝ Նաիրա Զոհրաբյանն ասաց․ «Հասկանում եք, չէ՞՝ ինչ եք արել։ Դուք ուղղակիորեն ճնշում եք վկային, քանի որ դուք լավ գիտեք, որ վաղը ձեր քաղաքական պատվիրատուն չի լինելու, և դուք չեք պրծնելու միայն պագոնազրկմամբ, դուք՝ բոլորդ կանչվելու եք քրեական պատասխանատվության, քանի որ վկայի ցուցմունքներն ուղղակի փլում է այն քաղաքական ճաշը, որը սարքել եք քաղաքական պատվերով»։
Կարդացեք նաև
Տաթև ՀԱՐՈՒԹՅՈՒՆՅԱՆ
