Եգիպտոսի նախագահին «Ռաբիա» ժեստով դիմավորելով Էրդողանը մեսիջ է հղում, որ չի մոռացել իր «Մուսուլման եղբայրներին»
Էրդողանի հերթական սիմվոլիկ մեսիջը։ Նա Եգիպտոսի նախագահին դիմավորել է «Ռաբիա» նշանով։
«Ռաբիան» (նշանակում է 4) առաջին անգամ հայտնվել է 2013թ. Եգիպտոսում հակակառավարական ցույցերի ժամանակ «Մուսուլման եղբայրների» կողմից։
«Մուսուլման եղբայրներ» շարժման ներկայացուցիչ Մուհամադ Մուրսին դարձավ Եգիպտոսի նախագահ։ 2013 Մուրսին ռազմական հեղաշրջման հետևանքով տապալվեց (որը գլխավորում էր այժմյան նախագահ Սիսին)։
Կարդացեք նաև
«Մուսուլման եղբայրները» վայելում էին Էրդողանի բացարձակ աջակցությունը, իսկ Սիսին հռչակվեց թշնամի։
Այսօր «Ռաբիան» դարձել է Էրդողանի հիմնական սիմվոլներից մեկը, որն ունի 4 սկզբունք՝ «Մեկ ազգ, մեկ դրոշ, մեկ հայրենիք, մեկ պետություն»։
Սիսիին այս ժեստով դիմավորելով Էրդողանը մեսիջ է հղում, որ չի մոռացել իր «Մուսուլման եղբայրներին»։
«Թուրքիան այսօր» լրատվական ալիք
