Կառավարության այսօրվա նիստում Նիկոլ Փաշինյանն անդրադարձավ «Հայաստանի Հանրապետության եւ Ադրբեջանի Հանրապետության միջեւ պետական սահմանի սահմանազատման եւ սահմանային անվտանգության հարցերով հանձնաժողովի ու Ադրբեջանի Հանրապետության եւ Հայաստանի Հանրապետության միջև պետական սահմանի սահմանազատման պետական հանձնաժողովի համատեղ գործունեության մասին» կանոնակարգը վավերացնելու մասին» օրենքի նախագծին, որը չզեկուցվող հարցերի թվում կառավարությունը հաստատեց այսօր։
«Քանի որ հարցը մենք ուղարկում ենք Սահմանադրական դատարան՝ նրա համապատասխանությունը ՀՀ Սահմանադրությանը ստուգելու համար, ես ենթադրում եմ, որ ՍԴ դրական որոշումը ստանալու պարագայում հարցը կգնա ԱԺ վավերացվելու, եւ այնտեղ ավելի մանրամասն քննարկում տեղի կունենա»,- ասաց Փաշինյանը։
Նա պարզաբանեց, թե ինչու կառավարության այսօր նիստում նախագիծը չզեկուցվող հարցերի թվում հաստատվեց, եւ քննարկում տեղի չունեցավ։ «Մենք պատեհ չհամարեցինք Սահմանադրական դատարան ուղարկելուց առաջ կառավարության նիստում ընդլայնված քննարկում անել այս հարցով, ինչը տվյալ պարագայում, կարծում եմ, ճիշտ մոտեցում է։ Քաղաքական եւ բովանդակային ավելի մանրամասն քննարկումներ ՍԴ դրական դիրքորոշման դեպքում տեղի կունենան ԱԺ-ում։ Իսկ բացասական դիրքորոշման դեպքում դա արդեն լրիվ ուրիշ պատմություն է։ Այնպես որ, այսօր քննարկելու անհրաժեշտություն չկար։ Բայց մյուս կողմից ցանկացա արձանագրել, որ որոշումը կայացված է, եւ մենք հիմա սպասելու ենք ՍԴ որոշմանը»,- ասաց Փաշինյանը։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
