Կառավարությունն այսօրվա նիստում հավանություն տվեց Հայաստանի Հանրապետության եւ Ամերիկայի Միացյալ Նահանգների միջեւ զարգացմանն ուղղված համագործակցության դրամաշնորհային համաձայնագրի թիվ 1 փոփոխության ստորագրման առաջարկությանը։ Համաձայնագրում նախատեսվում է կատարել փոփոխություն, համաձայն որի՝ Հայաստանին տրամադրվող ԱՄՆ աջակցության ընդհանուր գումարը ավելանում է 130 մլն ԱՄՆ դոլարով՝ ԱՄՆ ՄԶԳ նախատեսվող ընդհանուր ներդրումը հասցնելով 250 մլն ԱՄՆ դոլարի: Նշվում է, որ աջակցությունն ուղղվում է ժողովրդավարական ձեռքբերումները պահպանելու, ինչպես նաեւ տնտեսական մարտահրավերները հաղթահարելու ուղղություններով:
ՀՀ կառավարությունը համագործակցում է Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) հետ 1992թ.-ից սկսած: Այս ժամանակահատվածում ԱՄՆ ՄԶԳ ծրագրերը Հայաստանում զարգացում են ապրել` զուտ մարդասիրական օժանդակությունից վերածվելով երկարաժամկետ տնտեսական զարգացման, կայուն սոցիալական քաղաքականության և ժողովրդավարական բարեփոխումների խթանման ծրագրերի:
ԱՄՆ ՄԶԳ-ի կողմից իրականացվող ծրագրերը ներառում են հետևյալ ոլորտները՝ ժողովրդավարություն և կառավարում, տնտեսական աճ և առևտուր, զարգացման վարկավորում, էներգետիկա և ջրային ոլորտ, մասնավոր հատված, առողջապահություն, սոցիալական պաշտպանություն, ֆինանսական հատված:
Կարդացեք նաև
Ռոզա ՀՈՎՀԱՆՆԻՍՅԱՆ
Լուսանկարում Նիկոլ Փաշինյանն 10.07.2024-ին ընդունում է ԱՄՆ Միջազգային զարգացման գործակալության (USAID) կառավարիչ Սամանթա Փաուերի գլխավորած պատվիրակությանը:
