«Ազատություն». Ուկրաինայի արտգործնախարար Դմիտրի Կուլեբան հրաժարական է տվել, հայտնել է խորհրդարանի նախագահը։
Գերագույն ռադայի ղեկավար Ռուսլան Ստեֆանչուկը փոխանցել է, որ խորհրդարանը հայտարարություն է ստացել Կուլեբայի հրաժարականի մասին, օրենսդիրներն այն կքննարկեն։
Երեկ հրաժարական էին ներկայացրել Ուկրաինայի երկու փոխվարչապետեր և ևս 3 նախարարներ։
Եվրոպական և եվրատլանտյան ինտեգրման հարցերով փոխվարչապետ Օլգա Ստեֆանիշինան և ժամանակավորապես օկուպացված տարածքների վերաինտեգրման հարցերով փոխվարչապետ Իրինա Վերեշչուկն այդ մասին հայտնել են երեկ։
Կարդացեք նաև
Հրաժարականները տեղի են ունեցել Ռազմավարական արդյունաբերության նախարար Ալեքսանդր Կամիշինի, արդարադատության նախարար Դենիս Մալյուսկայի և շրջակա միջավայրի պահպանության նախարար Ռուսլան Ստրիլետսի պաշտոնից հեռանալուց ժամեր անց։
Նախագահ Վլադիմիր Զելենսկին ավելի վաղ հայտարարել է, որ Ուկրաինայի կառավարությունում նոր փոփոխություններ են սպասվում: Իր ուղերձում էլ նշել է, որ պետական կառույցները պետք է այնպես կազմավորվեն, որ Ուկրաինան կարողանա հասնել լավագույն արդյունքների։
Նյութն ամբողջությամբ՝ սկզբնաղբյուր կայքում:
