«Իշխանափոխություն կկարողանա իրականացնել այն քաղաքական ուժը, որն ինքը որակապես կվերափոխվի, ինստիտուտցիոնալացման միջոցով զգալիորեն մեծացնելով իր գործունեության արդյունավետությունը՝ դրա հիմքում դնելով սկզբունքներ ու արժեքներ»,- այսօր ՀՀԿ գրասենյակում կայացած «ԼՂՀ անկախության հիմնախնդիրը իրավական եւ քաղաքական հարթություններում» թեմայով համաժողովի ժամանակ կարծիք հայտնեց ԱԺ նախկին նախագահ Տիգրան Թորոսյանը։
Այս գործընթացն, ըստ բանախոսի, կուսակցությունների համար շատ բարդ է լինելու՝ հաշվի առնելով անցած ժամանակահատվածը։ Տեսանելի ապագայում, ըստ բանախոսի, նման հնարավորություն կարող է ունենալ «Սրբազան շարժումը»՝ արագ ինստիտուտցիոնալացման իրականացման դեպքում։
Եվ այն, որ շարժումը ձևավորվել է հոգևոր, բարոյական հենքի վրա, Տիգրան Թորոսյանի գնահատմամբ, էական նշանակություն կարող է ունենալ։
Խոսելով ԼՂՀ անկախության իրավական եւ քաղաքական հարթությունների մասին էլ, Տիգրան Թորոսյանը վստահեցրեց՝ ԵԱՀԿ Մինսկի խմբի բանակցային գործընթացը տապալվել է 2018 թվականից, երբ Հայաստանում տեղի ունեցավ թավշյա հեղափոխությունը։
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
