Ինչո՞ւ որոշվեց Արցախի հանրապետությունը հռչակել անկախ․ հետխորհրդային շրջանից առ այսօր հնչող այս հարցին համապարփակ պատասխան այսօր փորձեց տալ Արցախի խորհրդարանի նախկին ղեկավար Աշոտ Ղուլյանը՝ ՀՀԿ գրասենյակում կայացած՝ «ԼՂՀ անկախության հիմնախնդիրը իրավական եւ քաղաքական հարթություններում» թեմայով համաժողովի ժամանակ։
Ըստ բանախոսի, թուլացող խորհրդային իշխանության համառ դիմադրության եւ թափ առնող ազգային ազատագրական շարժումների միջեւ հավասարակշռության տատանման արդյունքում օպտիմալ որոշման անհրաժեշտություն կար։
ՄԱԿ-ի չափանիշներով չորս հնարավորություն կար՝ անկախ պետականություն հռչակել, միանալ- վերամիավորվել որեւէ պետության, կամ այլ կարգավիճակ ստեղծելու։
Աշոտ Ղուլյանի կարծիքով՝ «միացում» կարգախոսից «անկախություն» կարգախոսին անցնելու շուրջ հիմա էլ կարելի է բանավիճել, բայց կյանքը ցույց է տվել Արցախի ժողովրդի կամքը եւ ունակությունը՝ ինքնուրույն պետականություն կառուցելու գործում, իհարկե, ՀՀ-ի եւ Սփյուռքի աջակցությամբ։
Կարդացեք նաև
Մանրամասները՝ տեսանյութում
ՀՀԿ գրասենյակում այսօր նաեւ Արցախի հանրապետության 33-ամյակի առիթով «Արցախյան համանվագ» խորագիրը կրող ցուցահանդես էր բացվել։
Նելլի ԳՐԻԳՈՐՅԱՆ
