«Տիգրանի հոբբին էր՝ լուսանկարել դիրքերում։ Հինգ օր մնաց իր հողի վրա՝ գրկախառնված, այնքան էր սիրում իր հայրենիքը, մինչեւ վերջին վայրկյանն իր կռիվը տարել է»,-2023 թվականի սեպտեմբերյան պատերազմում զոհված Տիգրան Ավետիսյանի մայրը՝ տիկին Ադելինան է պատմում որդու, նրա նախասիրությունների մասին։
ՀՀԿ գրասենյակում այսօր Արցախի հանրապետության 33-ամյակի առիթով «Արցախյան համանվագ» խորագիրը կրող ցուցահանդես էր բացվել, որտեղ ցուցադրված էին նաեւ Տիգրանի լուսանկարները։ Նկարներն արվել են շրջափակման ժամանակ։
Նաեւ համաժողով էր հրավիրվել՝ «ԼՂՀ անկախության հիմնախնդիրը իրավական եւ քաղաքական հարթություններում» թեմայով։
Տիգրանը ծառայում էր Մարտակերտի շրջանի Վանք գյուղում, սեպտեմբերի 19-ին զոհվեց։ Զինվորականի ընտանիքում էր ծնվել ու երբեւէ մտադրություն չի ունեցել լքել Արցախը:
Կարդացեք նաև
«Մամ, ես չեմ կարող առանց դիրքերի ապրել»,- պարտադիր զինվորական ծառայությունն ավարտելուց հետո ասել էր Տիգրանն՝ անցնելով պայմանագրային ծառայության։
Մանրամասները՝ տեսանյութում
Նելլի ԳՐԻԳՈՐՅԱՆ
Լուսանկարում՝ Ադելինա Ավետիսյանն ու Տիգրան Ավետիսյանը:
