«Ազատություն». Կարմիր գորգ, Մոնղոլական կայսրության հիմնադիր Չինգիզ Խանի անձնական պահակախմբի հագուստով զինվորական շարասյուն․ Ռուսաստանի առաջնորդին Մոնղոլիայի մայրաքաղաքի գլխավոր հրապարակում հանդիսավոր արարողությամբ դիմավորեցին։ Ու որևէ նշան չի հուշում, թե Մոնղոլիան կկատարի Միջազգային քրեական դատարանի առջև ստանձնած պարտավորությունը ու կձերբակալի Վլադիմիր Պուտինին, որին 18 ամիս առաջ Հաագայի միջազգային քրեական դատարանը ձերբակալելու միջազգային օրդեր տվեց՝ ուկրաինացի երեխաների անօրինական դեպորտացիայի մեջ մեղադրելով։
Ձեռնաշղթաների փոխարեն գովեստի խոսքեր, ծաղկեփունջ, երկրի նախագահ Ուխնաագին Խուրելսուխն էլ անձամբ էր եկել Ուլան Բատորի կենտրոնական հրապարակ՝ Պուտինին դիմավորելու։
Սա Պուտինի առաջին ուղևորությունն է Միջազգային քրեական դատարանի անդամ երկիր այն բանից հետո, երբ դատարանը նրան ձերբակալելու հրաման տվեց։ Այցից առաջ Ուկրաինան Մոնղոլիային կոչ էր արել Պուտինին հանձնել Հաագայի դատարանին։ Եվրամիությունը, սակայն, մտահոգություն ուներ, որ Մոնղոլիան չի դիմի այդ քայլին ու չի կատարի դատարանի պահանջը։ Մտահոգության պատճառն այն էր, որ Պուտինի այցն առաջին հերթին վատ իրավիճակի մեջ է դնում Մոնղոլիային, մի երկիր, որ ծովի ելք չունի և մեծապես կախված է Ռուսաստանի վառելիքից։
Անուշ Մկրտչյան
Կարդացեք նաև
Նյութն ամբողջությամբ՝ սկզբնաղբյուր կայքում:
