Վերջին շրջանում թե’ ՀՀ վարչապետ Նիկոլ Փաշինյանի եւ թե’ պատգամավորների` տարբեր բնակավայրեր այցերի ընթացքում քաղաքացիները մշտապես բարձրաձայնում են էներգամատակարարման համակարգում գոյություն ունեցող խնդիրները. ասել է Տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովի նախագահ Վահե Ղալումյանը:
Հարցին անդրադարձ է եղել սեպտեմբերի 3-ին հանձնաժողովի կազմակերպած աշխատանքային քննարկման ընթացքում: Մասնակցել են պատգամավորներ, Տարածքային կառավարման եւ ենթակառուցվածքների նախարար Գնել Սանոսյանը, նախարարի տեղակալ Հակոբ Վարդանյանը, Հանրային ծառայությունները կարգավորող հանձնաժողովի նախագահ Գարեգին Բաղրամյանը, Քաղաքաշինության, տեխնիկական եւ հրդեհային անվտանգության տեսչական մարմնի ղեկավար Գարեգին Խաչատրյանը եւ այլք:
Քննարկման ընթացքում պատգամավորները մանրամասն ծանոթացել են էլեկտրամատակարարման ոլորտի խնդիրներին, խոսել դրանց լուծման հնարավոր ուղիների վերաբերյալ:
Կառավարության ներկայացուցիչներն ընդգծել են, որ համաձայն 2016-2027 թվականների իր ծրագրի` ՀԷՑ-ը ծավալային առումով կատարում է իր ներդրումները. շեղումները պայմանավորված են նոր սպառողների ավելացմամբ:
Կարդացեք նաև
Քննարկման մասնակիցները փաստել են, որ նմանատիպ խնդիրների մեր քաղաքացիները բախվում են նաեւ «Վեոլիա ջուր» ՓԲԻ-ի սպասարկման ընթացքում:
Վահե Ղալումյանի խոսքով հարցի վերաբերյալ քննարկումները կլինեն շարունակական:
ԱԺ
