ՀՅԴ Հայ դատի Կենտրոնական գրասենյակի ծրագրերի պատասխանատու Գեւորգ Ղուկասյանի կարծիքով, ղարաբաղյան հիմնախնդիրը լուծված չէ եւ դրա ապացույցն են միջազգային մի շարք կառույցների հայտարարությունները՝ արցախցիների՝ իրենց բնակավայրեր վերադառնալու անհրաժեշտության մասին. իր կարծիքը նա բարձրաձայնեց ՀՅԴ Հայաստանի Գերագույն մարմնի կազմակերպած «Վերադարձ» խորագրով միջոցառման ժամանակ, լրագրողների հետ զրույցում:
Բանախոսի կարծիքով, հայ ժողովուրդը թեւաթափ լինելու իրավունք չունի. «Դա այն է, ինչ ցանկանում է Ադրբեջանը»:
Բանախոսը հայտարարեց նաեւ, Ադրբեջանում պատանդառված եւ գերեւարված մեր հայրենակիցներին, այդ թվում նաեւ Արցախի ռազմաքաղաքական ղեկավարությանն ազատ արձակելու համար ՀՅԴ Հայ դատի գրասենյակներն աշխատանք են տանում եւ այդ իմաստով, առաջիկայում կայանալիք COP 29-ը լավ առիթ է: Միաժամանակ, բանախոսի փոխանցմամբ, բոլոր հայտարարությունները եւ հնչած դիրքորոշումները խորհրդարանական մակարդակի են, ուստի, հարկ է, որ դրանք բարձրացվեն երկրների գործադիր իշխանությունների մակարդակ ու նրանք ճնշում գործադրեն Ադրբեջանի վրա:
Կարդացեք նաև
Մանրամասները տեսանյութում
Նելլի ԳՐԻԳՈՐՅԱՆ
