Ermenihaber. Օգոստոսի 1-ին Ստամբուլում ռասայական խտրականության հողի վրա սպանություն է տեղի ունեցել:
Սպանված անձն Իրաքի Դուհոք քաղաքի բնակիչ, ազգությամբ քուրդ գործարար Հաքիմ Լոքմանն է:
Լոքմանը Ստամբուլի սրճարաններից մեկում հեռախոսով քրդերեն խոսելու համար ավելի քան 10 անձի կողմից ենթարկվել է խմբակային ծեծի, ապա դանակով հարված ստացել սրտին:
Նշվում է, որ Ստամբուլի քաղաքապետարանը սպանության հանգամանքները պարզելու նպատակով հանձնաժողով է ձևավորել, իսկ Ստամբուլում Իրաքի գլխավոր հյուպատոսարանի աշխատակից Թահիր Ռեսուլը պատրաստվում է տեղի ունեցածի մասին ավելի մանրամասն տեղեկություններ հավաքել՝ այցելելով դատաբժշկական ինստիտուտ:
Սպանության մասին դատապարտողական գրառում է կատարել Թուրքիայի «Մարդու իրավունքների ասոցացիան»՝ (İHD) պահանջելով հնարավորինս արագ բացահայտել հանցագործների ինքնությունը:
