«Այնքան դժվար է խոսելը, երբ որ այս տղաները, որոնք զոհվել են հանուն հայրենիքի, բայց այդ հայրենիքն այսօր չկա: Երբ Մխիթարին բանակ էինք ճանապարհում, երբեւէ չեմ պատկերացրել, որ էլ չեմ ընդունելու ընտանիք: Այսօր շատ հարցերի պատասխաններ կան, որոնք չեմ կարող տալ»,-Եռաբլուրում լրագրողների հետ զրույցում ասաց 44-օրյա պատերազմում անմահացած Մխիթար Գալեյանի մայրը՝ Աստղ Գալեյանը:
Լուսանկարը՝ Գագիկ Շամշյանի
«Երբ փոքր Մխիթարը նայում է եղբոր նկարին, նայում է ու ասում է՝ պապա: Այո, Մխիթարը պետք է պապա լիներ: Շատ դժվար է այսօր… Ազատ Արցախ, տոնդ շնորհավոր…Պատերազմում որդուս կորցնելուց հետո մեծ հույս ունեի, որ իմ մեջ ուժ կգտնեմ ու կգնամ այն տեղերը, որտեղ եղել ենք Մխիթարիս հետ ու կգրկեմ այդ հողը, կհամբուրեմ, որովհետեւ թանկ հող է ինձ համար:
Ճիշտ է, ես Արցախից հող բերել եմ, բայց դա ուղղակի սրտի հովանք է…Ուզում եմ հավատալ, որ երբեւէ նորից Արցախ նորից կվերադառնանք…Բոլորս հասկանում ենք, որ դա իրականանալու համար այսօր մեզ անհրաժեշտ է իշխանափոխություն, որովհետեւ այս իշխանությունները 2018-ից ի վեր չեն մտածել հայի ու հայոց պետականության մասին: Ամեն օր ականատես ենք լինում, թե ինչպես է մեր երկրի ղեկավար կոչվածը պաշտպանում թշնամու շահերը»,-ասաց Մխիթար Գալեյանի մայրը:
Կարդացեք նաև
Գոհար ՀԱԿՈԲՅԱՆ
