Թաղավարդի Աշոտ Գրաշու անվան միջնակարգ դպրոցի 81-րդ շրջանավարտ, «Արմադա» վերլուծական կենտրոնի քարտուղար Արման Ղարաբեկյանի ֆեյսբուքյան գրառումը
Հարգելի՜ գաղափարակից ընկերներ, հայրենակիցներ, բարեկամներ, սիրելի՜ աշակերտներ, այսօր սեպտեմբերի մեկն է`Գիտելիքի և դպրության օրը։ Հատկանշական է, որ մյուս տարիների պես Արցախում ևս պետք է ղողանջեր դպրոցական առաջին զանգը։
Պատմության մեջ առաջին անգամ Արցախը հանձնված է և հայաթափված, կրթօջախները՝ լքված։ Այս դժբախտության ամենամեծ մեղքը անողնաշար և քաղաքական հեռատեսություն չունեցող ղեկավարների ամենամեծ մեղավորությունն է։
Ես հպարտ եմ, որ ավարտել եմ Թաղավարդի Աշոտ Գրաշու անվան միջնակարգ դպրոցը, իմ դպրոցական վերջին զանգը անցկացվել է հարազատ գյուղիս`Թաղավարդիս գրկում, իմ հարազատ կրթօջախում։ Շնորհակալ եմ իմ բոլոր ուսուցիչներին, սրտացավ և հոգատար աշխատանքի համար։ Սիրում և կարոտում եմ բոլորին, երանությամբ եմ հիշում դպրոցական տարիները։ Հույսս չեմ կորցնում, որ մի օր նորից վերադառնալու ենք հարազատ Արցախ և նորովի ենք շենացնելու։
