Ադրբեջանի ԱԳՆ-ն արձագանքել է Հայաստանի վարչապետ Նիկոլ Փաշինյանի՝ այսօր՝ մամուլի ասուլիսում արված հայտարարություններին։
«Հայաստանի վարչապետի՝ հարաբերությունների կարգավորմանը հակասող հայտարարությունները ափսոսանք են առաջացնում», – նշել է Ադրբեջանի ԱԳ նախարարության խոսնակ Այհան Հաջիզադեն։
Նրա խոսքով՝ «մեղադրանքները, թե Ադրբեջանի սահմանադրական ակտում տարածքային պահանջներ կան Հայաստանից, կատարելապես կեղծ են։ Հայաստանի և Ադրբեջանի սահմանադրությունների միջև զուգահեռներ անցկացնելու, դրանց միջև հավասարության նշան դնելու փորձերն անընդունելի են», – հայտարարել է ադրբեջանական ԱԳՆ խոսնակը։
Հիշեցնենք, որ Նիկոլ Փաշինյանն այսօր ասել էր. «Ի տարբերություն ՀՀ Սահմանադրության՝ Ադրբեջանի սահմանադրությունն է պարունակում տարածքային պահանջներ ՀՀ նկատմամբ։ Մենք հարցն այդ ձևով չենք բարձրացնում, որովհետև խաղաղության պայմանագրում կա համաձայնեցված դրույթ, որ կողմերից որևէ մեկը չի կարող հղում անել իր ներքին օրենսդրությանը՝ այդ պայմանագրի դրույթները չկատարելու համար»:
Կարդացեք նաև
