Երևանի ընդհանուր իրավասության քրեական դատարանն այսօր ՍԴ նախկին նախագահ Հրայր Թովմասյանին բերման ենթարկելու որոշում կայացրեց:
Հիշեցնենք, որ Հրայր Թովմասյանի գործով այսօր շարունակվում էր դատական նիստը, պաշտպանական թիմը շարունակելու էր ներկայացնել պաշտպանական ճառը:
Հրայր Թովմասյանը չէր ներկայացել դատական նիստին:
Կարդացեք նաև
«Դատարանը մեկ որոշում է ֆորմալիզմի դաշտ մտնել, մեկ որոշում է ոչ ֆորմալիզմի դաշտ մտնել: Մեկ որոշում է քրեական դատավարության օրենսգրքի նորմերից այլ նորմերով առաջնորդվել, մեկ որոշում է հարմար նորմեր օգտագործել… ի՞նչ է տեղի ունեցել. Հրայր Թովմասյանին դատարանը հեռացրել է վարույթից, իր հեռացնելուց հետո չի ծանուցել տեղի ունեցող նիստերի մասին»,- նիստից հետո լրագրողների հետ զրույցում ասաց Թովմասյանի պաշտպան Արամ Օրբելյանը:
Նա նկատեց, որ պաշտպանն իր պաշտպանյալի ներկայությունն ապահովելու գործառույթ իրականացնելու հնարավորություն ու պարտավորություն չունի. «Եթե աշխատանքային կարգով է հարցերը լուծվում, ուրեմն աշխատանքային կարգով պետք է արվի, եթե ֆորմալ կարգով է հարցերը լուծվում, ուրեմն ֆորմալ կարգով է հարցերը լուծվում: Պարոն Թովմասյանը ծանուցված չէ, կդժվարանամ ասել՝ տեղեկացված է, թե ոչ, բայց ենթադրում եմ՝ նույնիսկ տեղեկացված էլ չէ: Ես եկել էի դատական նիստին շարունակելու պաշտպանական իմ ճառը»:
Արփինե ՍԻՄՈՆՅԱՆ
