«Անհոգ շարունակում են խախտել ՀՀ քաղաքացիների իրավունքները, վաճառել ՀՀ-ն այն փոքրիկ բրյոշուրներով, ներողություն բառիս համար՝ այն գունավոր ժեշտով, որը պատրաստել են և անունը դրել ՀՀ»,-ՀՀԿ փոխնախագահ Արմեն Աշոտյանի գործով դատական նիստի մեկնարկից առաջ լրագրողների հետ ճեպազրույցում ասաց ՀՀ ԱԺ «Պատիվ ունեմ» խմբակցության պատգամավոր Աննա Մկրտչյանը։
Ըստ նրա՝ ՀՀ-ում միայն անվտանգային խնդիրներ չեն, այլ գոյություն չունի ներքին կայունություն, չկա ներքին համերաշխություն․ «Ատելությունը, ատելության խոսքը, խոսքի նկատմամբ անհանդուրժողականությունը, ազատ խոսքի նկատմամբ բռնաճնշումները կազմակերպվում և իրականացվում են հենց իշխանության կողմից»։
Ըստ Աննա Մկրտչյանի՝ ՀՀԿ փոխնախագահն ամենավառ օրինակն է․ «Չնայած ՀՀ-ում շատ ավելի շատ են քաղաքական բանտարկյալներն ու քաղհալածյալները, միայն պարոն Աշոտյանով չի սահմանափակվել ներկա իշխանությունը, բայց այսօր դատական համակարգը հասել է այնպիսի աբսուրդի, որ մենք գալով դատարան իբր դատավարական գործընթացի, ասում են՝ ճիշտ եք ասում, տուժող չկա, ասում ենք պարոն Աշոտյանն ո՞ւմ է վնաս պատճառել, ասում են՝ վնաս էլ չկա։ Ասում ենք Բժշկական համալսարա՞նն է տուժել, ասում են՝ չէ, Բժշկական համալսարանը օգուտ է քաղել, հիմա էլ իր նոր կազմով նոր ռեկտորը վայելում է պարոն Աշոտյանից ստացած, ձեռք բերած գույքը»։
Մանրամասները՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
