Գորիսի քաղաքապետ Առուշ Առուշանյանը ենթակա՞ է կալանավորման, թե՝ ոչ. այս հարցն այսօր, կառավարության նիստից հետո, լրագրողները տվեցին ՀՀ արդարադատության նախարար Գրիգոր Մինասյանին:
Հիշեցնենք, պրոբացիայի ծառայությունն օրերս մերժել էր Գորիսի քաղաքապետ Առուշ Առուշանյանի հայցն՝ ընդդեմ ՀՀ արդարադատության նախարարության: Հիշեցնենք նաեւ, որ պրոբացիայի ծառայությունը դիմել էր Գորիս համայնքի ավագանուն՝ տեղեկացնելով, որ համայնքի ղեկավարը պետք է պաշտոնանկ արվի։ Ավագանու նիստի մասնակից 14 անդամները միաձայն արձանագրել են, որ գրության պահանջն ավագանու գործառույթներից դուրս է, առկա է այդ գործընթացը ավագանու կողմից կազմակերպելու անհնարինության վիճակ։
Գրիգոր Մինասյանը մանրամասնեց՝ մի կարեւոր նրբություն կա այս գործով, որի վերաբերյալ այսօր դատական նիստ է կայանալու, ուստի ինքը նաեւ որպես պրոբացիայի ծառայության ղեկավար, ճիշտ չէ, որ հատուկ կարծիք հայտնի. սեպտեմբերի 3-4-ին արդեն հարցը հստակ կլինի:
Ըստ նրա, կա դատարանի վճիռ, որով հստակ է՝ Առուշ Առուշանյանը չպետք է քաղաքապետ լինի եւ իր կարծիքով, երկու տարբերակ կա՝ Առուշ Առուշանյանը կամ հրաժարական է տալիս, կամ՝ դատարանի վճռի հիմքով ավագանին անվստահություն է հայտնում նրան: Բայց, ի վերջո, դատարանն է որոշելու, թե ինչպե՞ս գործընթացը տեղի ունենա:
Կարդացեք նաև
Լրագրողներից մեկի դիտարկմանը, որ Առուշ Առուշանյանն այժմ, այսպես կոչված իշխանական գծի մեջ է, դա կարո՞ղ է իրավիճակ փոխել, Գրիգոր Մինասյանն արձագանքեց, որ որեւէ քաղաքական գործընթաց չկա, նորմալ իրավական ընթացքով ամեն ինչ առաջ է գնում:
Մանրամասները՝ տեսանյութում
Նելլի ԳՐԻԳՈՐՅԱՆ
