168.am. Օգոստոսի 23-ին իրավական ակտերի նախագծերի հրապարակման միասնական կայքում քննարկման է դրվել «Պետական գաղտնիքի մասին» օրենքում փոփոխություններ և լրացումներ կատարելու մասին օրենքի նախագիծը:
Նախագծի հեղինակն Արտաքին հետախուզական ծառայությունն է:
Ըստ այդմ՝ Արտաքին հետախուզական ծառայությունը ցանկանում է.
• Արտաքին հետախուզության ծառայությանը վերապահել պետական գաղտնիք կազմող տեղեկություններին անձանց առնչվելու թույլտվություն տալու լիազորություն,
Կարդացեք նաև
• Սահմանել, որ Ծառայության գործունեության բնագավառում գաղտնիության ռեժիմի պահպանման, հնարավոր խախտումների բացահայտման կանխման նպատակով միջգերատեսչական հսկողություն կարող է իրականացվել Արտաքին հետախուզության պետի հետ նախապես համաձայնեցված դեպքերում և ծավալներով,
Փաստացի` նախագծով առաջարկվում է հերթական անգամ թուլացնել ԱԱԾ-ն բավականին զգալի ծավալով: Առանց այդ էլ հիմա ԱԱԾ-ից Նիկոլ Փաշինյանը վերցրել է գրեթե բոլոր կարևոր գործառույթները, այդ թվում՝ Պետական պահպանության ծառայության (ՊՊԾ) նկատմամբ վերահսկողությունը, վերացվել է նաև ԱԱԾ քննչական դեպարտամենտը, փոխարենը՝ այն տեղափոխվելէ Քննչական կոմիտե, և Արգիշտի Քյարամյանի գլխավորած կառույցն էլ ավելի է հզորացել՝ ի հաշիվ ԱԱԾ-ի:
Գոհար ՍԱՎԶՅԱՆ
