Հակակոռուպցիոն դատարանում այսօր շարունակվեց Գագիկ Ծառուկյանի եւ նրան փոխկապակցված անձանց դեմ Գլխավոր դատախազության՝ ապօրինի ծագում ունեցող գույքի բռնագանձման գործով վարչության հայցադիմումի քննությունը՝ ապօրինի ծագում ունեցող գույքի բռնագանձման պահանջով:
Դատական նիստը հարց ու պատասխանի փուլում է: Պայմանավորվածության համաձայն այսօր դատախազությունը ներկայացրեց հաշվարկները: Պատասխանող կողմը առաջարկեց հաշվարկներին ծանոթանալու համար նիստը հետաձգել եւ դրանց բովանդակային անդրադառնալ հաջորդ նիստերին, ինչին դատախազության ներկայացուցիչները առարկեցին:
Նախագահող դատավոր Լիլի Դրմեյանը նպատակահարմար չգտավ նիստը հետաձգել ու պատասխանող կողմը սկսեց ներկայացնել իր հարցադրումները:
Աշոտ ՀԱԿՈԲՅԱՆ
