«Հանուն Հանրապետության» կուսակցության նախագահ Արման Բաբաջանյանի ֆեյսբուքյան գրառումը.
«Վերջը պարզվեց, որ վարչական իրավախախտում եմ թույլ տվել՝ Բելառուսի դեսպանատան դիմաց տեղի ունեցած ակցիայի մասին ոստիկանությանը չտեղեկացնելով:
Այդ ընթացքում դեսպանատան պահպանությունը ստանձնած ԱԱԾ աշխատակիցները ներկա էին ակցիային, գրեթե մեզ հետ հավասար մասնակցում էին, եթե մի ձու էլ նրանց տայի, երևի իրենք էլ կհարվածեին:
Ամեն դեպքում, երեկ երեկոյան ժամը 21:30-ին Ոստիկանության Աբովյանի բաժնի երեք աշխատակիցներ իրենց ծառայության վայրի ամենաթող քրեական վիճակը թողնելով՝ եկել էին իմ բնակարան՝ ինձ զգուշացնելու, որ ակցիայի մասին ոստիկանությանը նախապես չտեղեկացնելու համար վարչական իրավախախտում եմ կատարել:
Կարդացեք նաև
Ուշադրություն՝ ոչ թե այն բանի համար, որ ձվերով, լոլիկով ու կարտոֆիլով հարվածել ենք դեսպանատան՝ դե յուրե այլ երկրի տարածքում գտնվող շենքին, այլ որ ակցիայի մասին ոստիկանությանը չեմ իրազեկել:
Մինչդեռ իմ ֆեյսբուքյան գրառումը բոլորին՝ և՛ ոստիկանությանը, և՛ լրատվամիջոցներին իրազեկում էր: ԶԼՄ-ների հարգելի ներկայացուցիչներն իմ գրառմանն արձագանքելով էին ժամանակին հասել ակցիայի վայր: Թող ոստիկանությունը նույնն աներ
Ի դեպ, շնորհակալություն նրանց փոքրաթիվ ակցիան մեծ իրադարձություն դարձնելու, Հայաստանում և արտերկրում՝ բեղավոր Զախարովայի հայտարարություններից ջղայինացած մեր հայրենակիցների սիրտը հովացնելու համար»:
