«Իրանն այսօր». ԻՀՊԿ-ին հարող Fars լրատվական գործակալությունն իր աղբյուրներին հղումով մանրամասներ է ներկայացրել Իրանի նախագահ Էբրահիմ Ռայիսիին տեղափոխող ուղղաթիռի վթարի պատճառների մասին:
Ըստ աղբյուրի՝ ուղղաթիռում թույլատրելիից երկու մարդ ավել է եղել: Երբ օդաչուն, մառախուղը տեսնելով, փորձել է վերև բարձրանալ, ուղղաթիռի հզորությունը չի բավականացրել այդ գործողության համար և ցածր տեսանելիության պայմաններում՝ ուղղաթիռը բախվել է լեռանը:
Աղբյուրը նաև հերքել է դիվերսիայի և որևէ այլ տեսակի միջամտության վարկածը:
Հիշեցնեմ, որ Իրանի ԶՈւ ԳՇ-ն ավելի վաղ հայտարարել էր, որ ուղղաթիռի քաշը թույլատրելիի սահմաններում է եղել: Ինչքանով են այս տեղեկությունները ճիշտ՝ պարզ չէ:
Կարդացեք նաև
Իրանի ԶՈՒ ԳՇ տեղեկատավական կենտրոնը կտրականապես հերքել է Fars-ի հրապարակած տեղեկությունը:
